BU aelodau Merched y Wawr yn sir Benfro'n cwrdd yn y cnawd am y tro cyntaf ers misoedd yn gynharach yn y mis.
Ar Fehefin 10, bu cangen Merched y Wawr Ffynnongroes yn cwrdd wyneb yn wyneb am y tro cyntaf ers mis Medi 2020.
Bu'r aelodau’n cwrdd ym maes parcio tafarn Y Salutation, Felindre Farchog, a cherdded ar hyd llwybr yr afon Nyfer hyd at gyrion eglwys y plwyf.
Dyma gyfle gwych i ddala lan gyda ffrindiau na welwyd ers misoedd. Cerdded yn ôl ar hyd y llwybr i dderbyn pryd o fwyd arbennig gyda’n haelod Brenda Lewis yn Y Salutation.
Ar ôl y swper blasus, gyda rhai’n coroni’r sawrus gyda digon o ddewis o bwdinau melys. Nest a Rhian yn cloi eu swyddogaeth estynedig gyda chyfarfod blynyddol ac yn ethol Wendy Phillips yn is-lywydd a Mair Vaughan is-ysgrifenyddes.
Wrth y lliw am y flwyddyn sydd i ddod fydd Pam Griffiths a Rhian Selby. Fydd y cyfarfod nesaf ar Orffennaf 8, a phenderfynwyd cynnal noson casglu sbwriel o amgylch eich ardal. Fydd fwy o fanylion yn agosach at yr amser.
Cynhaliwyd taith gerdded y rhanbarth Merched y Wawr Penfro yn Maenor Scolton ar Fehefin 12 a chufle i gwrdd yn y cnawd wyneb yn wyneb am y tro cyntaf ers misoedd.
Hyfryd gweld gymaint wedi ymgynnull mewn lleoliad ysblennydd ar ddiwrnod heulog o haf. Cyfle i weld ffrindiau a dala lan gydag aelodau o'r gwahanol ganghennau.
Dyma'r merched yn cerdded y llwybrau niferus, ymweld â Maenor Scoton, cerdded o gwmpas y gerddi caerog a bwyta picnic allan yn yr haul.
Diolch i Ann a Buddug am drefnu ac ail drefnu, cyfarfod llwyddiannus iawn! Mae'r rhanbarth yn bwriadu trefnu ymweliad â Llysyfrân mis nesaf, mwy o wybodaeth yn agosach at yr amser. Croeso cynnes i bawb.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here