Cynhaliwyd oedfa fendigedig i ddathlu 350 mlynedd yr achos Eglwys y Bedyddwyr Rhydwilym (1668-2018) ar brynhawn Sul, Gorffennaf 8.
Daeth tyrfa luosog o aelodau a ffrindiau o bell ac agos ynghyd ar ddiwrnod cynnes a braf o haf i ddathlu'r garreg filltir arbennig hon.
Roedd yr oedfa amrywiol yng ngofal medrus Siân Bryan a chafwyd gair o groeso twymgalon gan Beryl John, ysgrifenyddes. Derbyniwyd ymddiheuriadau a chyfarchion oddi wrth y Parch William Owen a darllenwyd cyfarchion y Parch Judith Morris, ysgrifennydd cyffredinol Undeb Bedyddwyr Cymru.
Darllenodd y Parch Huw George rhan o'r Ysgrythur ac offrymwyd y weddi gan y Parch Ken Thomas.
Cymerwyd y casgliad gan Leighton Bryan, Meurig Davies, Islwyn Edwards ac Emyr John.
Llafarganwyd y pwnc gan rai o aelodau'r eglwys a chanwyd emyn o waith y Parch Peter Thomas gan y talentog Ffion Phillips, ‘Yn gymaint i ti gofio un o rhain’.
Cafwyd anerchiad difyr, llawn o hen atgofion melys gan Hafwen John, Y Bala.
Lansiwyd llyfryn newydd o hanes eglwys Rhydwilym yn ystod yr oedfa gan yr awdur Russell Evans. Cyflwynwyd y copi cyntaf o'r llyfryn i’r Parch Peter Thomas, Aberystwyth, gweinidog gwadd yr achlysur.
Cafwyd pregeth bwrpasol gan y Parch Peter Thomas a hel atgofion am hanes yr eglwys.
Canwyd pedwar emyn yn ystod yr oedfa o waith Llwyd, Thomas Jones a’r Parch Peter Thomas, a’r organyddes oedd Katrina Jenkins.
Wedi'r fendith cafwyd gwledd o de dathlu blasus yn y festri a baratowyd gan chwiorydd a chyfeillion yr eglwys. Paratôdd yr aelodau arddangosfa yn y Tŷ Capel o hanes yr eglwys ac i gofnodi'r dathlu gwerthwyd llechen unigryw o lun yr Eglwys a llyfryn ‘Rhydwilym 1668 – 2018’ gan Russell Evans.
Coronwyd y dathlu gyda chacen pen-blwydd arbennig o waith Mrs Janet Harries, Roseberry ac fe'i torrwyd gan y Parch a Mrs Peter Thomas yn absenoldeb y brawd Rhys Adams, Hendy-gwyn.
Diolchgodd yr eglwys bawb a gyfrannodd a gymerodd rhan ym mhob modd.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here