Cynhaliwyd Eisteddfod Gadeiriol Rhydlewis a'r Cylch ar Chwefror 22.
Er i nifer y gynulleidfa a'r cystadleuwyr fod yn llai nag arfer cafwyd eisteddfod hwylus ac o safon uchel iawn yn ôl y beirniaid.
Y beirniaid eleni oedd – cerdd Catrin Darnell; adrodd a llenyddiaeth Eurig Salisbury; arlunio i blant Gwen Davies; llenyddiaeth y plant Emyr Davies a'r cyfeilydd oedd Gareth Wyn Thomas.
Llywydd y dydd oedd y Cyng Gwyn James a chafwyd ganddo anerchiad pwrpasol iawn. Diolchwyd iddo am gyfraniad hael iawn i gronfa’r Eisteddfod.
Arweinyddion y dydd oedd Rhian Lloyd, Alwyn Ward, Siwsan Davies a Gareth Evans. Enillwyd y gadair yn rhoddedig gan Gware Crug yr Eryr gan y Parch Judith Morris, a Thlws Llenyddiaeth yr Ifanc gan Caerwen Richards.
Cipiwyd yr her unawd, sef Tarian Her Tom a Peggy Rees, gan y Parch Aled Williams, a'r her adroddiad a Chwpan Her Hilary Jones gan Sioned Howells.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here