Cynhaliwyd noson wobrwyo flynyddol Ysgol y Preseli, Crymych ar nos Fercher, Mawrth 28, yn Theatr y Gromlech er mwyn anrhydeddu cyn-ddisgyblion a disgyblion yr ysgol ar eu llwyddiannau.
Llywyddwyd y noson gan gadeirydd y llywodraethwyr Mr Des Davies. Traddodwyd yr anerchiad blynyddol gan y pennaeth Mr Michael Davies.
Y gŵr gwadd eleni oedd Sion Jenkins, cyn-ddisgybl o’r ysgol sydd bellach yn adnabyddus i bawb fel cyflwynydd y gyfres ‘Ein Byd’ ar S4C. Cafwyd ganddo anerchiad didwyll a chofiadwy. Sion hefyd fu’n gyfrifol am gyflwyno’r tystysgrifau a’r gwobrau yn ystod y noson.
Mwynhawyd eitemau cerddorol gan barti bechgyn iau yr ysgol a hefyd Nia Lloyd o flwyddyn 13 a fu’n swyno’r gynulleidfa gyda’u perfformiadau safonol.
Bu Mr T Phillips a Mrs M Williams yn hyfforddi’r parti. Cydlynwyd y dosbarthu gwobrau gan ddirprwy’r ysgol, Mrs Iola Phillips. Gwnaethpwyd y diolchiadau gan brif swyddogion yr ysgol sef Hannah Matthews a Thomas Rees. Mrs Marie Williams oedd yn gyfrifol am y blodau a Mrs Delyth Davies a’i thîm o weithwyr fu’n gyfrifol am y lluniaeth ysgafn blasus ar ddiwedd y noson.
Diolchwyd hefyd i staff y swyddfa am gwblhau’r trefniadau gweinyddola'r holl noddwyr y gwobrau am eu haelioni.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here