Ar nos Lun Ebrill y 6ed cafwyd cyfarfod cartrefol iawn yng nghwmni Mrs Beryl George wrth i ni gyd glosio at y ford er mwyn edmygu ei gwaith llaw- yn amrywio o frodwaith i weu a crochet, dillad plant, hetiau, sgertiau, llieiniau ford ac ati. Paratowyd y te gan Delyth a Mairwen, enillwyd y raffl - rhodd o waith llaw Beryl- gan Dilys.

Ar nos Fercher Mai y 6ed bydd y Cyfarfod Blynyddol yn Neuadd Goffa Lland’och am 7.30 yh. Dewch yn llu i ni gael trefnu rhaglen ddifyr ar gyfer blwyddyn nesaf. Bydd hefyd yn noswaith o foes a phrin i ni gael codi arian ar gyfer y Mudiad ac ar gyfer gofal Cancer y fron.